QIShLOQ XO'JALIGIDA BILIM VA INNOVATSIYaLAR MILLIY MARKAZI TAShKIL ETILDI

QIShLOQ XO'JALIGIDA BILIM VA INNOVATSIYaLAR MILLIY MARKAZI TAShKIL ETILDI

“Qishloq xo'jaligida bilim va innovatsiyalar tizimi hamda zamonaviy xizmatlar ko'rsatishni yanada rivojlantirish to'g'risida”gi Prezident Farmoni (PF–6159-son, 03.02.2021 y.) qabul qilindi.

🏢 Farmonga ko'ra, Qishloq xo'jaligi vazirligi huzurida Qishloq xo'jaligida bilim va innovatsiyalar milliy markazi tashkil etildi.
📌 Milliy markaz barcha turdagi davlat ilmiy va OTMning qishloq xo'jaligi sohasida amalga oshiriladigan ilmiy-tadqiqot faoliyatini muvofiqlashtiradi.
➡️ Qishloq xo'jaligi sohasida ta'lim, ilm-fan va ishlab chiqarishning uzviy integratsiyasini ta'minlash bo'yicha Muvofiqlashtiruvchi kengash faoliyati yo'lga qo'yildi.
🔰 Shuningdek, quyidagilar tashkil etiladi:  
● 2021–2022 yillarda Milliy markazning Respublika agroxizmatlar markazi, Qoraqalpog'iston Respublikasi va viloyatlar agroxizmatlar markazlari;
● 2022 yildan boshlab bosqichma-bosqich qishloq tumanlarida Milliy markazning tuman agroxizmatlar markazlari.
🗓 Bundan tashqari, 2021 yil 1 martdan, tajriba tariqasida, Milliy markaz tizimidagi ilmiy-tadqiqot muassasalarida tadbirkorlarni jalb etgan holda kichik ilmiy-innovatsion korxonalar tashkil etiladi.
📋 Farmon bilan Qishloq xo'jaligida bilim va innovatsiyalar tizimini 2021-2025 yillarda ustuvor rivojlantirish kontseptsiyasi tasdiqlandi.
☑️ Kontseptsiya doirasida, jumladan, Milliy markaz huzuridagi 100 dan ortiq xizmatlarni ko'rsatish tizimini yo'lga qo'yish nazarda tutilgan.

QIShLOQ XO'JALIGI SOHASIDA ILMIY-TADQIQOT INSTITUTLARI TAShKIL ETILDI

“O'zbekiston Respublikasi Qishloq xo'jaligi vazirligi huzuridagi Qishloq xo'jaligida bilim va innovatsiyalar milliy markazi faoliyatini tashkil etish to'g'risida”gi Prezident qarori (PQ–4975-son, 03.02.2021 y.) qabul qilindi.

🔰 Qaror bilan Milliy markaz tizimida quyidagilar tashkil etildi:
➖ Lalmikor dehqonchilik ilmiy-tadqiqot instituti;
➖ Janubiy dehqonchilik ilmiy-tadqiqot instituti;
➖ Don va sholi ilmiy-ishlab chiqarish birlashmasi.
🔰 Quyidagilar Milliy markaz tizimiga o'tkazildi:
➖ Bog'dorchilik va issiqxona xo'jaligini rivojlantirish agentligi huzuridagi Akademik M. Mirzaev nomidagi Bog'dorchilik, uzumchilik va vinochilik ilmiy-tadqiqot instituti;
➖ “O'zagrokimyohimoya” aktsiyadorlik jamiyatining “O'simliklarni himoya qilish ilmiy-tadqiqot instituti” mas'uliyati cheklangan jamiyatini davlat muassasasi shaklida qayta tashkil etgan holda.
💼 Milliy markazga qishloq xo'jaligi vazirining o'rinbosari – Qishloq xo'jaligida bilim va innovatsiyalar milliy markazi bosh direktori rahbarlik qiladi.
➡️ Tajriba-sinov tariqasida Qishloq xo'jaligi vazirligi tizimidagi OTMlarning kafedra mudirlari bir vaqtning o'zida tegishli ta'lim yo'nalishi bo'yicha ilmiy-tadqiqot institutlari direktorlarining ilmiy ishlar va innovatsiyalar bo'yicha o'rinbosari hisoblanadi.
🏢 Qarorga ko'ra, 2021 yil 1 aprelgacha Toshkent viloyati Yuqorichirchiq tumanida Respublika agroxizmatlar, axborot maslahat (extension) markazi tashkil etiladi.
☑️ Shuningdek, qaror bilan 2022 yil yakunigacha Milliy markazning yuqori texnologiyalar asosidagi ko'p tarmoqli Ilmiy-tadqiqot markazi faoliyatini yo'lga qo'yish belgilangan.