"Do'stlik ordeni"

Mustaqilligimizning 30 yillik bayrami arafasida turli sohalarda yuksak natijaga erishgan, Mustaqilligimizni mustahkamlashda o'z mehnati, bilim va salohiyati bilan hissa qo'shgan qator yurdoshlarimiz orden va mukofotlar bilan taqdirlandilar. Ular orasida O'zR FA Genomika va bioinformatika markazi etakchi ilmiy xodimi, ustozimiz akademik Abdusattor Abdukarim ham borligi quvonarlidir. Ustozimiz akademik Abdusattor Abdukarim "Do'stlik" ordeni bilan taqdirlandilar. Genomika va bioinformatika markazi jamoasi nomidan ustozni bunday yuksak e'tirof bilan tabriklaymiz. Oila-a'zolari, farzandlari va biz shogirdlar baxtiga doimo salomat bo'lishlarini Yaratgandan so'rab qolamiz.