Yangiliklar

Ягона давлат порталида фаол муҳокама этиш учун “Илмий ва инновация фаолияти тўғрисида” ги Қонун лойиҳаси жойлаштирилган.

Қонун лойиҳаси фан ва инновация соҳасидаги давлат сиёсатининг асосий йўналишларини белгилайди. Шунингдек янги меъёрий ҳуқуқий ҳужжатда илмий ва инновация субъекти ва объектлари, инфратузилмалар қайд этилади. Соҳани бошқариш тизими ва уни молиялаштириш механизмларига қонун лойиҳасида алоҳида эътибор қаратилган.

Давлат илмий ва илмий-техник фаолиятга ёрдам беришни кафолатлайди. Хусусан, илмий фаолиятни молиялаштиришнинг турли усуллари назарда тутилган: асосий, грант, мақсадли, аралаш ва ноёб объектларни молиялаштириш.

Ушбу муносабатлар субъектлари илмий, илмий-техник, инновация фаолиятларини амалга ошириб келаётган жисмоний ва юридик шахслар бўлишлари мумкин. Лойиҳада давлат илмий ва олий таълим муассасалари илмий ходимларига илмий унвонларни бериш тартиби ва , шунингдек, уларни ижтимоий ҳимоялаш чоралари назарда тутилган.