Yangiliklar

                                     “INNOWOMENWEEK” - Xotin-qizlar innovatsiya xaftaligi

O’zbekiston xotin-qizlar qo’mitasi, O’zbekiston Respublikasi innovatsion rivojlanish Vazirligi, O’zbekiston Respublikasi intellektual mulk agentligi va O’zbekiston ixtirochi ayollar markazi tomonidan 13 -18 may 2019 y. kunlari “Xotin-qizlar innovatsiya xaftaligi” o’tkazilmoqda. 
Xaftalikning asosiy maqsadi mamlakatimiz xotin-qizlarini innovatsion g’oyalari, loyiha va ishlanmalarini joriy etishda har tomonlama qo’llab-quvvatlash,  tadbirkorlik va ixtirochilik faoliyatiga keng jalb qilish, intelektual mulk ob'ektlarini  huquqiy muhofaza qilishlariga ko’maklashish, fan-ta'lim va iqtisodiyotning turli tarmoqlarida mehnat qilayotgan xotin-qizlarning faoliyatlariga innovatsion yondashuvni joriy qilish. Ushbu xaftalik doirasida “AGROWOMENUZ”, “TECHNOWOMENUZ”, “MEDICALWOMENUZ” kabi 3 ta yo’nalishda forum va o’quv seminarlar tashkil etilgan.
13 -14 may kunlari Toshkent davlat agrar universitetida “AGROWOMENUZ” forumi o’tkazildi. Ushbu forumda Xotin-qizlar tomonidan agrar sohada amalga oshirilayotgan loyihalar bo’yicha olingan natijalar tahlil qilinadi, qishloq xo’jalik maxsulotlarini yetishtirish va qayta ishlashni rivojlantirish, ularni eksportga yo’naltirish hamda sohaga invectitsiyalar jalb qilish masalalari muxokama qilindi.
“AGROWOMENUZ” forumida “O’zbekiston ayollarining 100 ta eng yaxshi innovatsion loyihasi” Respublika tanlovi g’olibalari ishtirok etishdi. Jumladan O’zbekiston Fanlar akademiyasi Genomika va Bioinfarmatika markazi katta ilmiy xodimi Ubaydullaeva Xurshida Аbdullaevna va 2-bosqich tayanch doktoranti Babadjanova Feruza Ikramovna o’z ishlanmalari va innovatsion mahsulotlari ko’rgazmasi hamda taqdimotlari bilan ishtirok etishdi.  

Batafsil ma`lumot uchun:
uzbekistonovozi.uz