Yangiliklar

O‘zR FA Genomika va bioinformatika markazi ilmiy xodimlari A.X. Makamov, M.M. Darmanov va O.S To’rayevlar shu yilning 1-5 iyun kunlari Namangan viloyati fermerlari bilan yaqindan muloqot qilish maqsadida xizmat safarida bo’lib, markazda yaratilgan “Porloq” va “Ravnaq” g’o’za navlari ekilgan fermer xo‘jaliklari rahbarlari bilan uchrashuvlar tashkil etishdi. Ilmiy xodimlarimiz xizmat safari davomida fermer xo’jaliklari rahbarlariga navga xos agrotexnik tadbirlarni o‘tkazish borasida kerakli tavsiyalar berishdi. Bundan tashqari, joylarda seminarlar tashkil qilinib, Porloq g‘o‘za navlari agrotexnik tadbirlarini o‘z vaqtida va to’g’ri o‘tkazish, hosilni erta pishishiga va yuqori bo’lishiga zamin yaratishini ta’kidlab o‘tishdi.

Shuni alohida ta’kidlash kerakki, Pop tumani “Uyg’ur Porloq” fermer xo’jaligida ekilgan Porloq-3 g’o’za navi gullashga kirgan.