Yangiliklar

Toshkentda “Ijtimoiy sohadagi innovatsiyalar – jamiyat rivojining muhim omili” xalqaro forumi bo'lib o'tdi.

2018 yilning 11 sentyabr kuni “Hyatt Regency Tashkent” mehmonxonasida “Ijtimoiy sohadagi innovatsiyalar – jamiyat rivojining muhim omili” xalqaro forumi bo'lib o'tdi. Tadbir “Taraqqiyot strategiyasi” markazi, O'zbekiston Respublikasi Innovatsion rivojlanish vazirligi va Konrad Adenauer fondining O'zbekistondagi vakolatxonasi tomonidan tashkil etildi. Forumning maqsadi iqtisodiyotning barcha tarmoqlari va ijtimoiy sohaning jadal innovatsion rivojlantirish masalalarini muhokama etish, hamda ilg'or xorij tajribasi, jahon ilm-fanining zamonaviy yutuqlari, innovatsion g'oyalar, rivojlanish va texnologiyalarni asosida tavsiyalar ishlab chiqishdan ibborat edi. Forumda mamlakatimizning tegishli vazirlik va idoralari, nodavlat notijorat tashkilotlari va jamoat tashkilotlari vakillari qatorida etakchi xorijiy ekspertlar qatnashib sog'liqni saqlash, ta'lim va boshqa sohalarda innovatsiyalarni joriy qilish, shuningde, ushbu sohalarda mavjud muammolar va kamchiliklarni bartaraf etish bo'yicha fikr almashildi. O'zbekiston Respublikasining innovatsion rivojlanish vaziri Ibrohim Abdurahmonov respublikamizda turli darajalarda ijtimoiy-iqtisodiy rivojlanish, jumladan, ta'lim va sog'liqni saqlash sohalarida innovatsiyalarni faol joriy etishni amalga oshirilayotganini ta'kidladi. Shuningdek, u respublikada innovatsiyalarni rivojlantirishga qaratilgan qonun loyihalari haqida gapirdi.