Марказнинг махсус уруғчилик хўжалигида чигит экиш ишлари бошланди.

        10 апрелдан бошлаб, жорий йилдаги тадқиқот ишларини олиб бориш, марказда яратилган янги навларнинг кўчатзорларини ташкил этиш ҳамда суперэлита уруғларини тайёрлаш мақсадида махсус уруғчилик хўжалигида чигит экиш ишлари бошланди. Экиш олдидан далага ишлов бериш ва чигит экиш тадбирлари тупроқнинг ҳолатига қараб амалга оширилди. Бегона ўтлар тарқалган майдонларда кўп йиллик бегона ўтлар илдизлари тозалаб чиқарилди. Юзада қолган илдизлар эса қўлда терилиб, ёқиб юборилди. Бегона ўтлардан тозаланган майдонлар экиш олдидан текислагич агрегатлар ёрдамида текисланди. Тупроқнинг майин, донадор ҳамда зичлигининг меъёрида бўлишини таъминлаш мақсадида бороналаш ишлари амалга оширилди. Бундай агротехник тадбирлар ўз навбатида чигитнинг бир хил чуқурлик ва намга экилишини, ниҳоллар бир текис униб чиқишини ҳамда ғўза барвақт ўсиб-ривожланишини таъминлайди.

Ерни текислаш жараёнлари

Уруғ кўпайтириш кўчатзорларида экиш жараёнлари

Биринчи йил уруғлик кўчатзорларида экиш жараёнлари