Ilmiy Seminar

Navbatdagi yosh olimlar kengashi seminari 2016-yil 3-fevralda bo`lib o`tdi. Ushbu seminarda kichik ilmiy xodim Raxmanov Baxtiyor olib borayotgan o`z tadqiqoti ob`ekti “G`o`za o`simligidan somatik embriogenez usuli yordamida tibbiyot uchun qimmat hisoblangan artemizinin moddasini faol ishlab chiqarish texnologiyasi” bo`yicha taqdimot qildi. Ushbu yangi yo`nalish, ya`ni dorivor moddalarni ishlab chiqarish bo`yicha qo`llanilayotgan biotexnologiya usullariga olimlar tomonidan katta qiziqish bildirildi va qizg`in bahs-mushohadaga sabab bo`ldi. Seminar so`ngida markaz ilmiy ishlar bo`yicha direktor o`rinbosari, b.f.n. Buriev Z.T. so`zga chiqib, mavzu doirasida atroflicha fikr bildirdi va farmosanoatda zamonaviy biotexnologiyalarning ahamiyati to`g`risida ma`lumot berib o`tdi.