O‘zbekiston Xotin-qizlar qo‘mitasi tomonidan tashkil etilgan «O‘zbekiston ayollarining 100 ta eng yaxshi innovatsion loyihasi» ikkinchi Respublika tanlovining Toshkent viloyati bosqichi bo‘lib o‘tdi. Tanlov qatnashchilari 10 ta nominatsiya bo‘yicha ishtirok etishdi.
Tanlovida o‘z texnik loyihalari, ratsionalizatorlik takliflari, innovatsion ishlanmalarini amaliyotga joriy etish istagida bo‘lgan olimalar, doktorantlar, iste’dodli talaba va o‘quvchi qizlar, ixtirochilar, ratsionalizator, muhandis, konstruktor, dasturchi, tadbirkor ayollarning izlanishlari atroflicha o‘rganildi.
Tanlovda Genomika va bioinformatika markazidan ikki ishtirokchi qatnashib, Ubaydullaeva Xurshida Abdullayevna “Eng yaxshi ixtiro” nominatsiyasi bo‘yicha 1-o‘rin;
Babadjanova Feruza Ikramovna “Eng samarali innovatsion loyiha” bo‘yicha 1-o‘rinni egalladilar.