Yangiliklar

Toshkentda keng ko’lamli “Made in Uzbekistan” eksport ko’rgazmasi bo’lib o’tmoqda

2018-yil 27-30 noyabr kunlari Toshkentdagi “O’zekspomarkaz” MKMning 3-4 pavilionlari va 2-atriumida birinchi “Made in Uzbekistan” eksport ko’rgazma-yarmarkasi o’tkazilmoqda. Ko’rgazma O’zbekiston Respublikasi Tashqi savdo vazirligi tashabbusi bilan “O’zekspomarkaz” AJ MKM va Toshkent shahar hokimligi bilan hamkorlikda tashkil etilmoqda.

Ko’rgazmaning asosiy maqsadi – mahalliy korxonalar tomonidan eksport uchun ishlab chiqarilgan mahsulotlarni namoyish etish, eksport kontraktlari to’plamlarini oldindan shakllantirish, mamlakatning eksport salohiyatini kengaytirish hamda xorijiy hamkorlar bilan barqaror va uzoq muddatli hamkorlikni yo’lga qo’yish va mustahkamlash.

Ko’rgazmada 150 dan ortiq mahalliy korxonalar tomonidan tekstil, charm-poyabzal mahsulotlari, gilamlar, meva-sabzavotlar, elektrotexnika va kabel mahsulotlari, avtomobil va qishloq xo’jaligi texnikasi, metallurgiya, neft-kimyo va boshqa turdagi tayyor mahsulotlar namoyish etilmoqda.

Shu qatorda bizning Genomika va bioinformatika markazimiz ham o’z ishlanmalari bilan ishtirok etyapti. Markaz tomonidan ko’rgazmada (Porloq navlari, Ravnaq navlari, in vitro usulida olingan kartoshka, hamda uzum) taqdim etildi.